कम्पनीले यस अवधिमा खुद बीमा शुल्क एक करोड ३६ लाख रुपैयाँले बढाएर ३२ करोड ४९ लाख रुपैयाँ पुर्याएको छ। गत वर्षको यहि अवधिमा कम्पनीले ३१ करोड १३ लाख रुपैयाँ खुद बीमा शुल्क संकलन गरेको थियो।
कम्पनी पुनर्बीमा कमिशन आयबाट ८ करोड १७ लाख, लगानी कर्जा तथा अन्य आयबाट २ करोड ४० लाख रुपैयाँ आम्दानी गरेको छ ।
हाल एक अर्ब १२ लाख रुपैयाँ चुक्ता पुँजी रहेको कम्पनीको जगेडा कोषमा ३९ करोड ३३ लाख रुपैयाँ, बीमा कोषमा ४८ करोड ८७ लाख रुपैयाँ र महाविपत्ती जगेडा कोषमा ८ करोड ७ लाख रुपैयाँ सञ्चित छ ।
इन्स्योरेन्सले यस अवधिमा ४३ हजार ९१६ नयाँ बीमालेख जारी गरी ६७ करोड ६९ लाख रुपैयाँ कुल बीमा शुल्क आर्जन गरेको छ । यस अवधिमा कम्पनीको १० हजार ३४० बीमालेख नवीकरण भएका छन् ।
कम्पनीले १ हजार ५७९ वाटा दाबी वापत २३ करोड ७६ लाख रुपैयाँ भुक्तानी गरेको छ भने ३ हजार १९० दाबी वापत १० करोड ५८ लाख रुपैयाँ भुक्तानी गर्न बाँकी छ ।
कम्पनीको प्रतिशेयर आम्दानी २० रुपैयाँ, प्रतिशेयर नेटवर्थ १९६ रुपैयाँ १७ पैसा र मुल्य आम्दानी अनुपात ९५.७२ गुणा छ ।
