पोखरा फाइनान्सले बढाएर प्रस्ताव गर्यो लाभांश

Nov 29, 2019 10:23 AM Merolagani

पोखरा फाइनान्स (PFL) ले गत आर्थिक वर्ष २०७५/७६ को मुनाफाबाट १४.२० प्रतिशत लाभांश प्रस्ताव गरेको छ। फाइनान्सको मंसिर १३ गते बिहीबार बिहान बसेको संचालक समितिको ४७१ औं बैठकले लाभांश प्रस्ताव गरेको हो।

अघिल्लो आर्थिक वर्ष २०७४/०७५ मा फाइनान्सले ५ प्रतिशत बोनस शेयर र ८.६८ प्रतिशत नगद गरि कूल १३.६८ प्रतिशत लाभांश वितरण गरेको थियो।

फाइनान्सले गत आर्थिक वर्ष २०७५/७६ को मुनाफाबाट हाल कायम चुक्ता पूँजी ८५ करोड ७२ लाख रुपैयाँको ७ प्रतिशत अर्थात ६ करोड रुपैयाँ बराबरको बोनस र ७.२० प्रतिशत अर्थात ६ करोड १७ लाख रुपैयाँ बराबरको नगद लाभांश प्रस्ताव गरेको हो।

फाइनान्सको उक्त लाभांश राष्ट्र बैंकबाट स्वीकृत भएर आगामी साधारण सभाबाट पारित भएपछि शेयरधनीलाई वितरण हुनेछ। बोनस वितरण पनि फाइनान्सको चुक्ता पूँजी ९१ करोड ७२ लाख २८ करोड रुपैयाँ पुग्नेछ । 

गत आवको चौथौं त्रैमाससम्ममा फाइनान्सले १० करोड ७२ लाख रुपैयाँ खुद नाफा कमाएको थियो।

 


comments powered by Disqus

बिहीबारदेखि पुनः जोर बिजोर प्रणाली लागु, मास्क नलगाइ हिँड्नेलाई जरिवाना

Aug 05, 2020 09:36 PM

सरकारले बिहीबारदेखि पुनः जोरबिजोर प्रणाली लागु गरेकाे छ। सरकारले काठमाडौं उपत्यका र २ सय बढी सक्रिय काेराेना संक्रिमत भएका जिल्लामा जोरबिजोर प्रणाली लागु गरेको हो।