कम्पनीले चालु आवको दोस्रो त्रैमाससम्ममा ६ करोड ६८ लाख ११ हजार रुपैयाँ खुद नाफा आर्जन गर्न सफल भएको छ। जुन गत आर्थिक वर्षको सोही अवधिको तुलनामा ७८.७७ प्रतिशत बढी हो। गत आवको पुस मसान्तसम्ममा कम्पनीले ३ करोड ७३ लाख मात्र खुद नाफा आर्जन गरेको थियो।
विद्युत बिक्रीबाट आम्दानी बढेसँगै सञ्चालन खर्च तथा अन्य खर्च नियन्त्रण गरेपछि कम्पनीको नाफामा सुधार भएको हो। समीक्षा अवधिमा कम्पनीको विद्युत बिक्री आम्दानी २ करोड १८ लाख २१ हजार रुपैयाँ बढेर १३ करोड ५४ लाख ४१ हजार पुगेको छ। कम्पनीको सञ्चालन तथा अन्य खर्चहरु भने ७८ लाख ३२ हजार घटेर ६ करोड ६८ लाख ११ हजारमा सीमित भएको छ।
कम्पनीको चुक्ता पूँजी ७० करोड रहेको छ भने जगेडा कोष ६४ लाख ३९ हजार ऋणात्मक रहेको छ। कम्पनीको वार्षिकिकरण नगरिएको प्रतिशेयर आम्दानी ९ रुपैयाँ ५४ पैसा रहेको छ। त्यसैगरी, पुस मसान्तसम्ममा कम्पनीको प्रतिशेयर नेटवर्थ ९९ रुपैयाँ ८ पैसा रहेको छ।