एनएलजी इन्स्योरेन्सको खुद नाफामा सामान्य सुधार

Feb 12, 2020 04:53 PM Merolagani

एनएलजी इन्स्योरेन्स (NLG) ले चालु आर्थिक वर्षको दोस्रो त्रैमाससम्ममा ८ करोड ७५ लाख ८८ हजार खुद नाफा कमाएको छ । गत वर्ष यहि अवधिको तुलनामा कम्पनीले ३.६४ प्रतिशत अर्थात ३० लाख ८० हजार रुपैयाँले बढी हो ।

गत आर्थिक वर्षको दोस्रो त्रैमासमा कम्पनीले ८ करोड ४५ लाख रुपैयाँ खुद नाफा आर्जन गरेको थियो ।

यस अवधिमा कम्पनीले ४३ करोड ४२ लाख रुपैयाँ खुद बीमा शुल्क आर्जन गरेको छ । यो गत आर्थिक वर्षको तुलनामा २१.२९ प्रतिशतले धेरै हो । गत आर्थिक वर्षको यस अवधिमा कम्पनीले ३५ करोड ८० लाख रुपैयाँ खुद बीमाशुल्क आर्जन गरेको थियो ।

यस्तै कम्पनीले पुनर्बीमा कमिशन १४ करोड ४२ लाखरुपैयाँ, लगानी कर्जा तथा अन्य आयबाट ३ करोड ४६ लाख रुपैयाँ आम्दानी गरेको छ ।

चुक्ता पुँजी ६४ करोड रुपैयाँ कम्पनीको जगेडा कोषमा २४ करोड २१ लख रुपैयाँ, बीमा कोषमा ८३ करोड ६० लाख रुपैयाँ र महाविपत्ती कोषमा ६ करोड ३० लाख रुपैयाँ सञ्चित छ ।

कम्पनीको प्रतिशेयर आम्दानी २७ रुपैयाँ ३५ पैसा, प्रतिशेयर नेटवर्थ २७८ रुपैयाँ २१ पैसा र मूल्य आम्दानी अनुपात २५.५९ गुणा बढी छ ।

कम्पनीले ९२ हजार ५४३ वटा बीमालेख जारी गरी ९२ करोड ५० लाख रुपैयाँ कुल बीमाशुल्क आर्जन गरेको छ । यस अवधिमा कम्पनीकोमा १३ हजार २२६ वटा बीमालेख नवीकरण भएका छन् ।
कम्पनीले ३ हजार ६७० वटा दाबी बापत ६० करोड ८८ लाख ८४ हजार रुपैयाँ भुक्तानी गरेको छ भने ३ हजार ३३० वटा दाबी वापत ६८ करोड ४५ लाख भुक्तानी गर्न बाँकी छ ।

 

 

comments powered by Disqus

एनआईसी एशिया बैंक लिमिटेडको कम्पनी विश्लेषण

Mar 06, 2021 08:11 PM

दोस्रो बजारका लगानीकर्ताहरुको रोजाइमा पर्ने कम्पनीहरुमध्येको एक कम्पनी हो, एनआईसी एशिया बैंक (NICA)। आक्रमक व्यवसाय विस्तार गर्दै उच्च नाफा आर्जन गर्नुका साथै लगानीकर्ताहरुलाई पनि राम्रो प्रतिफल दिइरहेका कारण यो बैंक लगानीकर्ताहरुको रोजाईमा पर्न सफल भएको हो।