गत जेठ मसान्तमा ८३ करोड ९१ लाख ९८ हजार २५० रूपैयाँ फण्डको खुद सम्पत्ति रहेकोमा असारमा बढेर ८४ करोड १६ लाख ८५ हजार ३०६ पुगेको हो । ८३ करोड ५२ लाख आकारको फण्डको गत जेठ महिनामा १० रुपैयाँ ५ पैसा रहेको नाभ असार मसान्तमा १० रुपैयाँ ८ पैसामा बढेको छ ।
फण्डको असार मसान्तको आय व्यय अनुसार एक करोड ८९ लाख ८३ हजार ८७७ रुपैयाँ आम्दानी र एक करोड २४ लाख ९८ हजार ५७१ रुपैयाँ खर्च भएको छ । यसबाट फण्डले कूल ६४ लाख ८५ हजार ३०६ रुपैयाँ नाफा गरेको छ । जेठमा महिनामा फण्डले ३९ लाख ९८ हजार रुपैयाँ मात्र नाफा गरेको थियो ।
फण्डले २८ सूचीकृत सेयरमा १५ करोड ६७ लाख ७४ हजार, ऋणपत्रमा दुई करोड ९४ लाख ५८ हजार, सूचीकृत हुन बाँकी सेयरमा एक करोड ७० लाख रुपैषँ तथा मुद्धती निक्षेपमा ११ करोड ७७ लाख तीन हजार गरि कूल ३२ करोड ९ लाख ३७ हजार रुपैयाँ लगानी गरेको छ ।
चालू सम्पत्ति अर्न्तगत बैंक मौज्दातमा ५२ करोड ३५ लाख ७२ हजार रुपैयाँ र एक करोड ४१ लाख ३९ हजार रुपैयाँ अन्य सम्पत्ति गरि ५३ करोड ७७ लाख ११ हजार सम्पत्ति रहेको जनाएको छ ।
