उन्नति माइक्रोफाइनान्सले घोषणा गर्यो अाकर्षक बाेनस

Nov 13, 2018 Merolagani

उन्नति माइक्रोफाइनान्स (UMB) ले गत आर्थिक वर्षको नाफाबाट शेयरधनीलाई अाकर्षक बाेनस प्रस्ताव गरेकाे छ । लघुवित्तकाे सञ्चालक समिति बैठकले ४०.५० प्रतिशत बोनस तथा कर प्रयोजनका लागि २.१३ प्रतिशत नगद गरि कूल ४२. ६३ प्रतिशत लाभांश वितरण गर्ने प्रस्ताव गरेको हाे ।

हाल लघुवित्तको चुक्ता पूँजी पाँच करोड ५० लाख रुपैयाँ रहेको छ । प्रस्तावित बोनस पश्चात लघुवित्तको चुक्ता पूँजी ७ करोड ७२ लाख ७५ हजार रुपैयाँ पुग्नेछ ।

गत अार्थिक वर्षमा लघुवित्तले ८४ लाख ८१ हजार रूपैयाँ खुद नाफा अार्जन गरेकाे थियाे । कम्पनीले तीन कराेड ५१ लाखकाे जगेडा समेत उपयाेग गरेर दुर्इ कराेड २२ लाख ७५ हजार रूपैयाँ बाेनस वितरण गरेकाे हाे ।

गत पुसमा एक लाख ६५ हजार कित्ता साधारण शेयर जारी गरेको थियो ।

लघुवित्तले चुक्ता पूँजीको २० प्रतिशत हकप्रद जारी गरेर पूँजी बढाउन नियामक निकाय धितोपत्र बोर्डमा एक लाख १० हजार कित्ता शेयर जारी गर्न अनुमति मागेको छ ।