लगानी व्यवस्थापनको कतिपय संस्थाहरुले धितोपत्र ब्यवसाय कार्य गर्ने अनुमतिपत्र प्राप्त नगरि गैरकानूनी रुपमा लगानी व्यवस्थापकको कार्य गरेकाे भन्ने गुनासो आएको र यस्तो कार्य गैरकानूनी भएको जनाएको छ । बोर्डले सोमबार बिज्ञप्तिमार्फत बोर्डबाट अनुमति प्राप्त नगरी लगानी व्यवस्थापन नगर्न/नगराउन चेतावनी दिएको छ।
लगानी ब्यवस्थापन सम्बन्धि कार्य गर्न चाहने संस्थाले धितोपत्र सम्बन्धि ऐन, २०६३ को दफा ५६ को उपदफा १ अनुसार अनिवार्य रुपमा बोर्डबाट अनुमति लिनुपर्ने र उपदफा २ बमोजिम कसैले पनि अनुमति नलिई धितोपत्र ब्यवसाय गर्न नपाउने भन्ने स्पष्ट ब्यवस्था रहेको भन्दै अनुमति लिएर मात्र सेवा उपलब्ध गराउन भनेको छ ।
यसैगरि बोर्डले अनुमति प्राप्त नगरेका संस्थाबाट लगानी गर्दा लगानीकर्ताको लगानी समेत जोखिममा पर्न सक्ने भन्दै बोर्डबाट अनुमति लिएको छ कि छैन एकिन गरेर मात्रै सेवा लिन आम सर्वसाधारणमा सचेत गराएको छ ।
बोर्डबाट हालसम्म २९ वटा संस्थाहरुले लगानी व्यवस्थापन कार्य गर्न अनुमति पाएका छन्:-
