बोर्डले चालु आर्थिक बर्षको नीति तथा कार्यक्रममा पनि नयाँ स्टक एक्सचेञ्ज स्थापनाको प्रक्रिया अगाडि बढाउने घोषणा गरेको थियो । तर यस सन्दर्भमा यो वर्षभरीमा कुनै काम गर्न सकेको थिएन ।
बोर्डले आर्थिक बर्ष २०७६/७७ को नीति तथा कार्यक्रम सार्वजनिक गर्दै नयाँ स्टक एक्सचेन्ज खोल्नलाई सहजीकरण गर्ने उल्लेख गरेकोे छ । बोर्डले नेप्सेको संस्थागत सुधारका साथै निजी क्षेत्रमा अर्को स्टक एक्स्चेन्ज स्थापना गर्न दिने बताएको छ ।
साथै बोर्डले शेयर बजारको विकासको लागि नेपाल स्टक एक्सचेन्जको सुधारको प्रक्रियालाई पनि निरन्तरता दिने बताएको छ ।
यस्तै धितोपत्र बोर्डले उत्पादनमुलक कम्पनीलाई सेयर बजारमा भित्राउनको लागि बुक बिल्डिङ प्रणालीलाई लागु गर्ने जनाएको छ । बोर्डले आफ्नो नीति तथा कार्यक्रममा हकप्रद सेयर निश्काशनमा पनि आफ्नो हकभन्दा बढि आवेदन दिन पाउने व्यवस्था गरेको छ ।
यसैगरी बोर्डले अब शेयर ब्रोकरहरुलाई ब्रोकर डिलरसीप तथा एड्भाइजरी सर्भिसको कार्य गर्न दिने व्यवस्था गर्ने भएको छ ।
