सुर्योदय लघुवित्तको आकर्षक लाभांश प्रस्ताव

Aug 25, 2019 04:50 PM Merolagani



सुर्योदय लघुवित्त वित्तीय संस्था (SLBS) ले गत आर्थिक वर्ष २०७५/०७६ को कमाईबाट शेयरधनीहरुलाई आकर्षक लाभांश वितरण गर्ने प्रस्ताव गरेको छ।

लघुवित्तको भदौ ७ गते शनिबार बसेको सञ्चालक समितिको १३१ औं बैठकले शेयरधनीहरुलाई चुक्ता पूँजीको ४४.४७७८ प्रतिशतले हुन आउने ४ करोड ८० लाख रुपैयाँ बराबरको बोनस शेयर र कर प्रयोजनको लागि २.३४०९ प्रतिशतले हुन आउने २५ लाख २६ हजार ३१५ रुपैयाँ नगद लाभांश गरि कूल ५ करोड ५ लाख २६ हजार ३१५ रुपैयाँ बराबरको ४६.८१८७४ प्रतिशत लाभांश वितरण गर्ने निर्णय गरेको हो।

 

अघिल्लो आर्थिक वर्षको मुनाफाबाट लघुवित्तले ४२.७५ प्रतिशत बोनस शेयर र २.२५ प्रतिशत नगद गरि कूल ४५ प्रतिशत लाभांश वितरण गरेको थियो।

लघुवित्तले गत आर्थिक वर्षको चौंथो त्रैमासमा लघुवित्तले तीन करोड ६१ लाख रुपैयाँ खुद नाफा कमाएर प्रतिशेयर आम्दानी ३३ रुपैयाँ ५१ पैसा कायम गरेको छ ।

हाल १० करोड ७९ लाख रुपैयाँ चुक्ता पूँजी रहेको लघुवित्तको लाभांश वितरण पश्चात चुक्ता पूँजी १५ करोड ५९ लाख १९ हजार रुपैयाँ पुग्नेछ।




आठ दिनपछि आयाे सुनको मूल्य, कतिमा हुँदैछ कारोबार ?

Jul 11, 2025 11:30 AM

नेपाली बजारमा सुन र चाँदीको मूल्य आठ दिनपछि आएकाे छ । बिहीबार सरकारसँग ६ बुँदे सहमति भएपछि आज शुक्रबार सुनको मूल्य आएकाे हो । सुन चाँदी व्यवसायीहरुले गरेको आन्दोलन कारण गत असार १९ गते बिहीबारदेखि सुनको मूल्य आएको थिएन ।