बैंक सञ्चालक समितिको बैठकले प्रस्ताव गरेको उक्त लाभांश नेपाल राष्ट्र बैंकको स्वीकृति तथा बैंकको आगामी वार्षिक साधारण सभाले अनुमोदन गरेपश्चात मात्र शेयरधनीले पाउनेछन्।
अघिल्लो आर्थिक वर्ष २०७४/०७५ मा बैंकले १४ प्रतिशत नगद प्रतिशत लाभांश वितरण गरेको थियो।
बैंक सञ्चालक समिति बैठकले बैंकको चुक्ता पूँजी ८ अर्ब १२ लाख ५५ हजार ४४० रुपैयाँबाट ८० करोड १ लाख २५ हजार ५४४ रुपैयाँको बोनस र ८८ करोड ४३ लाख ४६ हजार ७५९ रुपैयाँ नगद लाभांश वितरण गर्ने प्रस्ताव गरेको हो।
गत आवमा बैंकको शेयरधनीकोषमा (बाँड्न मिल्ने रकम) एक अर्ब ६४ करोड २१ लाख र २ अर्ब २५ करोड ६९ लाख रुपैयाँ बराबरको जगेडा कोष रहेको थियो। बैंकले गत आवको मुनाफा तथा सञ्चित जगेडा कोषबाट शेयरधनीलाई गरि कूल एक अर्ब ६८ करोड ४४ लाख ७२ हजार ३०३ रुपैयाँ बराबरको लाभांश वितरण गर्न प्रस्ताव गरेको हो।
बैंकले गत आर्थिक वर्षको चौथो त्रैमासम्मामा दुई अर्ब २४ करोड १५ लाख रुपैयाँ वितरणयोग्य मुनाफा आर्जन गरेको थियो। यस अवधिमा बैंकको प्रतिशेयर आम्दानी २८ रुपैयाँ ४ पैसा रहेको छ।
