भदौ १९ गते सम्पन्न सञ्चालक समितिको १२५ औं बैठकले चुक्ता पूँजी एक अर्ब ७८ करोड ४८ लाख ३५ हजार रुपैयाँको १२.५० प्रतिशतले हुन आउने २२ करोड ३१ लाख ४ हजार ४०० रुपैयाँ बराबरको २२ लाख ३१ हजार ४४ कित्ता बोनर र बोनस शेयरको कर प्रयोजनार्थ ०.६५८ प्रतिशत बराबरको एक करोड १७ लाख ४२ हजार ३३६ रुपैयाँ नगद लाभांश वितरण गर्ने प्रस्ताव गरेको हो।
सञ्चालक समितिको बैठकले प्रस्ताव गरेको उक्त लाभांश कम्पनीको असोज ७ गते मंगलबार आह्वान गरेको विशेष साधारण सभाले अनुमोदन गरेपश्चात मात्र शेयरधनीले पाउनेछन्।
बीमा समितिले तोकेको चुक्ता पूँजी कायम गर्ने बाध्यतामा रहेको यस कम्पनीले साधारण सभाबाट लाभांश पारित गर्न धेरै समय लागने भएकाले विशेष साधारण सभाबाट उक्त लाभांश पारित गर्ने 
भएको छ। उक्त बोनस लाभांश पारित भएसँगै प्राइम लाईफको चुक्ता पूँजी बीमा समितिले तोकेको न्यूनतम दुई अर्ब कायम हुनेछ।
अघिल्लो आर्थिक वर्ष २०७३/०७४ मा कम्पनीले १२.५० प्रतिशत बोनस शेयर र ०.६६ प्रतिशत नगद गरि कूल १३.१६ प्रतिशत लाभांश वितरण गरेको थियो।
विशेष साधारण सभाका लागि कम्पनीले भदौ ३१ गते मंगलबार शेयर दाखिला खारेज गर्ने भएको छ। यसअनुसार भदौ ३० गते सोमबारसम्म नेप्सेमा कारोबार भई कम्पनीको शेयरधनी कायम रहने लगानीकर्ताले मात्र उक्त लाभांश प्राप्त गर्नुका सार्थ विशेष साधारण सभामा प्रतिनिधित्व जनाउन पाउनेछन्।