कञ्चन डेभलपमेन्ट बैंकको लाभांश घोषणा

Dec 06, 2019 11:21 AM Merolagani

कञ्चन डेभलपमेन्ट बैंक (KADBL) ले गत आर्थिक वर्ष २०७५/०७६ को मुनाफाबाट शेयरधनीलाई १७ प्रतिशत लाभांश घोषणा गरेको छ।

बैंक सञ्चालक समितिको मंसिर १९ गते सम्पन्न १६९ औं बैठकले बैंकको चुक्ता पूँजीको १० प्रतिशत बराबरको ५ करोड ३१ लाख ३० हजार रुपैयाँ बोनस र बोनसमा लाग्ने कर सहित ७ प्रतिशत बराबरको ३ करोड ९१ लाख ७१ हजार रुपैयाँ नगद लाभांश घोषणा गरेको हो।

बैंक सञ्चालक समितिको बैठकले प्रस्ताव गरेको उक्त लाभांश नेपाल राष्ट्र बैंकको स्वीकृति तथा बैंकको आगामी वार्षिक साधारण सभाले अनुमोदन गरेपश्चात मात्र शेयरधनीले पाउनेछन्।

 

गत आर्थिक वर्षमा कञ्चन डेभलपमेन्ट बैंकले ९ करोड ६८ लाख १२ हजार खुद नाफा कमाएर वार्षिक १८ रुपैयाँ २२ पैसा प्रतिशेयर आम्दानी कायम गरेको थियो। यस अवधिसम्ममा बैंकमा ९ करोड ६० लाख रुपैयाँ वितरणयोग्य मुनाफा रहेको थियो। जसमध्ये बैंकले ९ करोड३ लाख २१ हजार रुपैयाँ लाभांश बाँड्ने प्रस्ताव गरेको हो।

हाल ५३ करोड १३ लाख रुपैयाँ चुक्ता पूँजी रहेको बैंकको प्रस्तावित १० प्रतिशत बोनस पश्चात ५८ करोड ४४ लाख ३० हजार रुपैयाँ चुक्ता पूँजी कायम हुनेछ।

अघिल्लो आर्थिक वर्ष २०७४/०७५ मा बैंकले ५ प्रतिशत बोनस शेयर र कर सहित ६.२९ प्रतिशत नगद गरि कूल ११.२९ प्रतिशत लाभांश वितरण गरेको थियो।


comments powered by Disqus

तत्काल भन्सारको महसुल दर घटाउन सकिँदैन : अर्थमन्त्री

Jan 26, 2020 05:42 PM

सरकारले बढी आय हुने क्षेत्रमा राजश्व उठाउन जोडबल गर्ने भएको छ । अर्थमन्त्री डा युवराज खतिवडाले ७८औँ भन्सार दिवसका अवसरमा राजश्वको लक्ष्य पूरा गर्न अनावश्यक रुपमा सरकार नलाग्ने तर नियम कानूनको कार्यान्वयनमा भने कडा रुपमा प्रस्तुत हुने बताए ।