आईपीओ निष्काशन गर्न लागेको अजोड इन्स्योरेन्सको नाफा एक करोडले बढ्यो

Jan 29, 2020 01:36 PM Merolagani

सर्वसाधारणलाई प्रथामिक शेयर (आईपीओ) निष्काशनको तयारीमा रहेको अजोड इन्स्योरेन्स (AJOD) ले चालू आर्थिक वर्षको दोस्रो त्रैमाससम्ममा २ करोड ३१ लाख रुपैयाँ खुद नाफा कमाएको छ । यो गत आर्थिक वर्षको पहिलो त्रैमासको तुलनामा एक करोड ८ लाख रुपैयाँले बढी हो ।

गत वर्षको यही अवधिमा कम्पनीले १ करोड २३ लाख रुपैयाँ खुद नाफा कमाएको थियो ।

पुस मसान्त सम्ममा इन्स्योरेन्सले १६ करोड ७७ लाख रुपैयाँ खुद बीमा शुल्क संकलन गरेको छ । यस्तै ५ करोड ७८ लाख रुपैयाँ पुर्नबीमा कमिशन र १ करोड २३ लाख रुपैयाँ लगानी कर्जा तथा अन्य आयबाट आम्दानी गरेको छ ।

७० करोड रुपैयाँ चुक्ता पूँजी रहेको इन्स्योरेन्सले ३० करोड रुपैयाँ बराबरको आईपीओ निष्काशन गर्ने तयारीमा छ । हाल कायम चुक्ता पूँजीको ३० प्रतिशत बराबरको आईपीओ निष्काशन पछि इन्स्योरेन्सको चुक्ता पूँजी एक अर्ब रुपैयाँ पुग्नेछ ।

चालू आर्थिक वर्षको दोस्रो त्रैमाससम्ममा इन्स्योरेन्सको जगेडा कोषमा २ करोड ७९ लाख, बीमा कोषमा ४ करोड २१ लाख र महाविपत्ती कोषमा ५१ लाख रुपैयाँ संचित छ ।

यस अवधिमा इन्स्योरेन्सले ५२ लाख ९५४ बीमालेख जारी गरी ४० करोड ६५ लाख रुपैयाँ कुल बीमाशुल्क आर्जन गरेको छ ।

इन्स्योरेन्सले कुल ९६६ दाबी वापत ११ करोड ३ लाख रुपैयाँ भुक्तानी गरेकोे छ भने १३८ दाबी वापत ३ करोड ५७ लाख रुपैयाँ भुक्तानी गर्न बाँकी छ ।

कम्पनीको प्रतिशेयर आम्दानी ३ रुपैयाँ ३१ पैसा, प्रतिशेयर नेटवर्थ ११० रुपैयाँ ७६ पैसा रहेको छ ।


comments powered by Disqus

माथिल्लो दोर्दी ‘ए’ जलविद्युत आयोजनाकाे निमार्ण कार्य अन्तिम चरणमा, बैशाखदेखि बिजुली बाल्ने तयारी

Feb 18, 2020 01:14 PM

लिवर्टी ईनर्जी कम्पनी (LECL) ले निर्माण गरिरहेको माथिल्लो दोर्दी ‘ए’ जलविद्युत आयोजनाको निमार्ण कार्य अन्तिम चरणमा पुगेको छ। सर्वसाधारणलाई प्राथमिक शेयर निष्काशनको तयारीमा रहेको कम्पनीको आयोजनाले बैशाखदेखि बिजुली बाल्ने गरी काम गरेको हो।