गत आर्थिक वर्षको दोस्रो त्रैमाससम्ममा २१ करोड ३८ लाख रुपैयाँ खुद नाफा कमाएको कम्पनीले चालु आर्थिक वर्षको सोहि अवधिसम्ममा १७ करोड ७६ लाख रुपैयाँ खुद नाफा कमाएको छ। यो कर्मचारी बोनस र कर अघिको नाफा हो।
होटलको खुद नाफा घट्नुमा पर्यटन आगमनमा भएको कमी र श्रमिकद्वारा गरिएको हड्ताल नै प्रमुख कारण रहेको होटलले जनाएको छ। त्यस्तै, पाँचतारे होटलहरुको संख्यामा भएको वृद्धि र अस्वस्थ प्रतिस्पर्धाका कारण पनि होटलको नाफामा नकारात्मक असर परेको छ।
यस अवधिमा होटलले ५९ करोड ८९ लाख रुपैयाँ सञ्चालन आम्दानी गरेको छ। गत वर्षको यसै अवधिमा ६९ करोड २१ लाख रुपैयाँ सञ्चालन आम्दानी गरेकोमा यस अवधिमा होटलको आम्दानी १० करोड रुपैयाँ घटेको हो।
हाल १ अर्ब ८८ करोड रुपैयाँ चुक्ता पूँजी रहेको होटलले जगेडा कोषमा ७१ करोड ३७ लाख रुपैयाँ राखेको छ। गत वर्षको यसै अवधिमा उसको जगेडा कोषमा ६३ करोड ५० लाख रुपैयाँ सञ्चित थियो।
दोस्रो त्रैमाससम्ममा होटलको वार्षिक प्रतिशेयर आम्दानी १८ रुपैयाँ ८४ पैसा रहेको छ भने प्रतिशेयर नेटवर्थ १४२ रुपैयाँ ५१ पैसा र मूल्य आम्दानी अनुपात १४.३८ गुण रहेको छ।
