गत बर्षको दोस्रो त्रैमासमा चार करोड आठ लाख रुपैयाँ रहेको बैंककाे जगेडा कोष आठ करोड ५० लाख पुगेको छ । उता खुद नाफा नाफा भने एक करोड ८० लाखबाट एक करोड २२ लाखमा घटेको छ ।
यस अवधिमा बैंकले दुई अर्ब ५७ करोड ९० लाख रुपैयाँ निक्षेप संकलन गरि एक अर्ब ९३ करोड ७७ लाख रुपैयाँ कर्जा परिचालन गरेको छ ।
कर्जा लगानी विस्तारपछि बैंकको व्याज आम्दानी बढेपनि खर्च समेत सोही अनुपातमा बढ्दा बैंकको खुद व्याज आम्दानी २३ लाखले बढेकाे छ । यस अवधिमा बैंकले चार करोड १७ लाख रुपैयाँ खुद व्याज आम्दानी गर्न सफल छ ।
निष्कृय कर्जा अनुपात ०.४२ प्रतिशतमा स्थिर राखेको भार्गवको कर्जा नोक्सानी व्यवस्था ४९ लाख रहेको छ । बैंकको अन्य सञ्चालन आम्दानी घटेको छ भने कर्मचारी र्खा र सञ्चालन खर्च बढेको छ । यसबाट बैंकको सञ्चालन नाफा ८९ लाख घटेर एक करोड ९२ लाख रुपैयाँमा सीमित भएको छ ।
हाल २६ करोड ४० लाख रुपैयाँ चुक्ता पूँजी रहेको बैंकको प्रतिसेयर आम्दानी ९ रुपैयाँ २९ पैसा रहेको छ । राष्ट्र बैंकले तोकेको पूँजी पुर्याउन भार्गवले ८० प्रतिशत हकप्रद विक्री सकेको छ ।
बैंकको कर्जा निक्षेप अनुपात ६६.०३ प्रतिशत, निक्षेप लागत ८.२५ प्रतिशत र पूँजी कोष अनुपात १५.५५ प्रतिशत रहेको छ ।
