फरवार्ड कम्युनिटीको लाभांश प्रस्ताव, नगद घटाएर बोनसमा जोड

Dec 02, 2019 11:24 AM Merolagani



फरवार्ड कम्युनिटी माइक्रोफाइनान्स (FOWAD) ले गत आर्थिक वर्ष २०७५/७६ को मुनाफाबाट शेयरधनीहरुलाई वितरण गर्ने लाभांश प्रस्ताव गरेको छ। 

माइक्रोफाइनान्सको मंसिर १५ गते आइतबार बसेको सञ्चालक समितिको ८५ औं बैठकले चुक्ता पूँजीको ३२.५० प्रतिशतले हुन आउने १२ करोड २७ लाख ४३ हजार रुपैयाँ बराबरको बोनस शेयर र कर सहित १२.५० प्रतिशतले हुन आउने ४ करोड ७२ लाख ९ हजार रुपैयाँ बराबरको नगद लाभांश वितरण गर्ने प्रस्ताव गरेको हो।

यसअनुसार कम्पनीले गत आर्थिक वर्षको कमाइबाट चुक्ता पूँजीको ४५ प्रतिशतले हुन आउने १६ करोड ९९ लाख ५२ हजार रुपैयाँ बराबरको लाभांश वितरण गर्नेछ।

प्रस्तावित लाभांश राष्ट्र बैंकको स्वीकृति र माइक्रोफाइनान्सको आगामी साधारणसभाले पारित गरेपछि शेयरधनीहरुले पाउनेछन्। हाल ३७ करोड ७६ लाख ७२ हजार रुपैयाँ चुक्ता पूँजी रहेको माइक्रोफाइनान्सको बोनश वितरणपश्चात पूँजी ५० करोड ४ लाख रुपैयाँ पुग्नेछ।

 

अघिल्लो आर्थिक वर्ष २०७४/७५ को मुनाफाबाट २० प्रतिशत नगद र २५ प्रतिशत बोनस गरि कूल ४५ प्रतिशत लाभांश वितरण गरेको कम्पनीले गत आर्थिक वर्षको मुनाफाबाट भने नगद घटाएर बोनसमा जोड दिएको छ।

माइक्रोफाइनान्सले गत आर्थिक वर्षको चौथो त्रैमाससम्ममा ३१ करोड ४ लाख १२ हजार रुपैयाँ खुद मुनाफा आर्जन गरेको थियो।




आठ दिनपछि आयाे सुनको मूल्य, कतिमा हुँदैछ कारोबार ?

Jul 11, 2025 11:30 AM

नेपाली बजारमा सुन र चाँदीको मूल्य आठ दिनपछि आएकाे छ । बिहीबार सरकारसँग ६ बुँदे सहमति भएपछि आज शुक्रबार सुनको मूल्य आएकाे हो । सुन चाँदी व्यवसायीहरुले गरेको आन्दोलन कारण गत असार १९ गते बिहीबारदेखि सुनको मूल्य आएको थिएन ।