अपि पावरले चालु आर्थिक वर्षको पुष मसान्तसम्ममा ३ करोड १३ लाख रुपैयाँ नाफा गरेको छ । जून गतबर्षको यसैअवधिको भन्दा ९ प्रतिशत कम हो । गत वर्षको यहि अवधिमा अपिले ३ करोड ४५ लाख रुपैयाँ खुद नाफा गरेको थियो।
कम्पनीले विद्युत बिक्रीबाट ७ करोड ९४ लाख रुपैयाँ आम्दानी गरेको छ । गत वर्षको यहि अवधिमा भने ८ करोड ७५ लाख रुपैयाँ थियो।
अपीको नाफा घटेपछि प्रतिसेयर आम्दानी (ईपीएस) मा पनि गिरावट आएको छ । उसको प्रतिशेयर आम्दानी ५ रुपैयाँ ९७ पैसा छ । गत आवको सोही अवधिमा कम्पनीको ईपीएस ६ रुपैयाँ ५८ पैसा थियो ।
कम्पनीले आयोजना निर्माणकालागि लिएको दिर्घकालीन कर्जा एक अर्ब २८ करोड रुपैयाँ तिर्न बाँकी छ।
अपीले साढे ८ मेगावाटको नौगाड साना जलविद्युत आयोजना निर्माण तथा सञ्चालन गरिरहेको छ । त्यस्तै ८ मेगावाटको माथिल्लो नौगाड आयोजना निर्माण गरिरहे कम्पनीले ४० मेगावाटको माथिल्लो चमेलिया आयोजना निर्माणको तयारी थालेको छ ।
कम्पनीको चुक्त पूँजी एक अर्ब ५ करोड रुपैयाँ छ भने जगेडा कोषमा १२ करोड १४ लाख रुपैयाँ छ।
